O fotógrafo israelí Miki Kratsman confirma que participará na Bienal de Arte
Por Redacción
O vicepresidente da Deputación de Pontevedra, Rafa Domínguez, acaba de recibir no Museo de Pontevedra ao fotógrafo israelí Miki Kratsman e confirmou que participará na recuperada Bienal de Arte. Na súa visita, o artista percorreu da man de Domínguez o Edificio Castelao e a exposición 'A Era das Fábulas'.
A XXXII Bienal de Arte de Pontevedra regresa despois de 15 anos á Boa Vila baixo o título "Volver a ser humanos… Ante a dor dos demais", e atraerá artistas destacados como Francesc Torres, Farida El-Gazzar, Patrice Warrener, Raida Adon, Marina Núñez, Manuel Casimiro e Miki Kratsman, e outros moitos de relevancia internacional.
A Bienal promoverá o intercambio cultural con propostas artísticas innovadoras, ofrecendo un espazo para a experimentación e a creatividade, e integrando a cidade no evento ao fomentar a participación e o desfrute da arte por parte de toda a veciñanza.
Miki Kratsman é un fotógrafo, profesor e activista nado en Arxentina en 1959 mais emigrado a Israel en 1971. Desde hai máis de 30 anos dedícase a documentar a evolución do conflito palestino-israelí e, sobre todo, as súas consecuencias na vida cotiá da poboación palestina e das minorías desfavorecidas de Israel. Polo seu traballo ten recibido numerosos galardóns e recoñecementos.
Relacionadas:
-
'A era das fábulas' xa é a exposición máis visitada da historia do Museo de Pontevedra
Por Oskar Viéitez & Mónica Patxot |
-
Os artistas Marina Núñez e Manuel Casimiro confirman a súa participación na Bienal
Por Redacción |
-
Raida Adon, artista palestina e actriz na serie 'Fauda', participará na Bienal de Arte de Pontevedra
Por Anxo Lourido |
-
O artista francés Patrice Warrener "coloreará" o santuario da Peregrina
Por Oskar Viéitez & Cristina Saiz |
-
A artista greco-exipcia Farida El-Gazzar tamén participará na Bienal da Deputación
Por Redacción |
-
O pintor Francesc Torres participará na Bienal de Arte da Deputación
Por Redacción |