O Salón García acolle a representación da traxedia grega 'Medea'
Por Anxo Lourido
A programación teatral de Vilagarcía retoma a actividade tras o verán coa posta en escena dun dos grandes clásicos da traxedia grega.
Este venres, 27 de setembro, a compañía Teatro Anónimo representará 'Medea' no Salón García ás 20:00 horas, cunha entrada de balde ata completar a capacidade da sala.
A obra, dirixida por Fernando Oubiña, é unha adaptación da versión realizada por Eduardo Alonso e Manuel Guede sobre os textos de Eurípides, Séneca e Anoilh.
'Medea' é considerada unha das pezas máis representadas do mundo do teatro, e esta produción promete ser un avance da vindeira programación de outono-inverno en Vilagarcía.
A trama xira arredor de Medea, quen, tras ser abandonada por Iasón despois de dez anos de loita conxunta, enfróntase á súa expulsión de Corinto por orde do rei Creón.
En resposta, Medea trama unha vinganza brutal que inclúe o asasinato dos seus propios fillos; de Creusa, nova prometida de Iasón; do rei Creón; e mesmo da súa propia Ama.
O reparto desta traxedia clásica está composto por: Popeta G. Gregorio como Medea; José Rodriguez no papel de Creón; Fernando Oubiña interpretando a Iasón; Manuela Hermida como Ama
A fotografía da produción corre a cargo de José Rodriguez.