Curtametraxes relevantes nos Goya, Cannes ou Venecia compiten no FICBUEU
Por Redacción
O Festival Internacional de Cinema de Bueu (FICBUEU) celebra a súa décimo sétima edición con proxeccións que se inician este luns 9 cunha selección das mellores curtametraxes realizadas no último ano a nivel mundial.
A "Sección Oficial" do certame inclúe 29 películas procedentes de 18 países, abarcando unha ampla diversidade xeográfica e de xéneros.
As proxeccións terán lugar no Auditorio do Centro Social do Mar de Bueu, con dúas sesións diarias ás 19:00 e 21:30 horas, incluíndo coloquios con cineastas e membros dos equipos dos filmes.
Entre as obras destacadas figuran:
- "Et se le soleil plongeait dans l'ocean de nues" (Líbano), gañadora do Premio Especial do Xurado en Clermont-Ferrand.
- "Avec l'humanité qui convient" (Francia), premiada como mellor ópera prima de ficción en Clermont-Ferrand.
- "Cros my heart and hope to die" (Filipinas), nomeada en Venecia.
- "Faire un enfant" (Canadá), premiada en Locarno e distinguida en varios festivais internacionais.
- "Lemon tree" (EE.UU.), nomeada en Cannes e baseada nunha historia real.
O festival tamén inclúe destacadas obras de animación como "Un trou dans la poitrine" (Canadá), "The Miracle" (Bélxica) e "Wander to wonder" (Holanda), todas elas premiadas en prestixiosos certames internacionais.
A representación galega está presente con tres curtametraxes: "O frío" de Pablo Dopazo, "Habitar" de Anxos Fazáns e "Platónico, Platónica" de Xacio Baño.
Ademais, participan outras obras españolas como "O soldao" de Alejandro Cabrera e "Aunque es de noche" de Guillermo García López, gañadora do Goya á mellor curta de ficción en 2023.
Relacionadas:
-
Curtas para o público familiar, peche de luxo para o décimo sétimo FICBueu
Por Redacción |
-
A curtametraxe 'Il compleanno di Enrico' consegue o primeiro premio do FICBUEU
Por Redacción |
-
O impacto do contexto político na historia do cinema, a debate este sábado no FICBUEU
Por Redacción |
-
Respaldo institucional na presentación oficial do FICBUEU que arrinca nunha semana
Por Redacción |
-
Xa está en marcha a venda online de abonos e entradas para o FICBUEU 2024
Por Redacción |
-
O FICBUEU regresa con 29 curtas internacionais, destacadas estreas e actividades paralelas
Por Redacción |
-
Rodrigo Cortés, Arturo González Campos e Juan Gómez Jurado volven participar no FICBUEU
Por Redacción |