Caldas rexistra dous accidentes de tráfico no intervalo de dúas horas
Por Redacción
A estrada N-640 rexistrou ao seu paso polo municipio de Caldas de Reis, dous accidentes na marxe de dúas horas. Sucedeu entre as 9:15 e as 11:15 horas deste martes.
Segundo informan dende a Agrupación de Voluntarios de Protección Civil de Caldas, o primeiro dos accidentes tivo lugar á altura do Hotel El Ciprés. Tratouse dunha colisión entre un camión e un turismo que se saldou con danos materiais.
Cando Protección Civil completaba as tarefas de limpeza recibiron un segundo aviso doutro accidente. Neste caso sucedeu na rotonda de Saiar, segundo datos da Policía Local de Caldas de Reis. Ao igual que no anterior, non houbo danos persoais.