A reforma da lei do aborto é "absolutamente inaceptable" para o Concello de Pontevedra
Por Alejandro Espiño
A reforma da lei do aborto é a "máxima expresión do atraso social que estamos a vivir". Así se valora desde o Concello de Pontevedra o anteproyecto presentado polo Goberno. Trátase dunha decisión "absolutamente inaceptable", segundo o portavoz do goberno municipal, Agustín Fernández. Por iso, a Xunta de Goberno esixe a retirada "inmediata" desta reforma e manter a lexislación vixente, que aposta por unha regulación de prazos.
"Pretenden volver a quitarlle ás mulleres o poder de decisión sobre a súa vida e a súa maternidade poñéndoo a disposición dos xuízos morais de persoal sanitario, xurídico e técnico", afirmou Agustín Fernández, quen criticou que as crenzas dun ministro sexan elevadas a texto legal. "Este goberno municipal non vai ser cómplice de semellante retroceso", unha decisión, dixo, "que nos deixa moi lonxe do resto de Europa".
Por iso, a Xunta de Goberno, sen esperar ao próximo Pleno municipal onde previsiblemente aprobarase unha declaración institucional, mostra o seu "total rexeitamento" a un anteproyecto que "reduce a capacidade legal das mulleres para ser libres, equiparándoas, por exemplo, as mulleres do Irán", apuntou ou concelleiro socialista. "A liberdade das mulleres é un dereito que unha sociedade xusta non debe pisotear".
Neste sentido, Fernández avanzou que se esta reforma mantén o seu curso durante a súa tramitación parlamentaria "será o momento de retomar unha importante mobilización social" para defender un dereito "conquistado hai moitos anos".
Relacionadas:
-
María Biempica celebra a retirada da lei do aborto: "De alguna forma se me da la razón"
Por Alejandro Espiño |
-
Animan os pontevedreses a dar "un golpe potente na mesa" contra a "retrógrada" lei do aborto
Por Redacción |
-
Mulleres pontevedresas montan a Plataforma polo Dereito ao Aborto e organizan actos de sensibilización cidadá
Por Redacción |