Os cefalopodeiros do Morrazo manifestaranse en Marín o 4 de outubro ante a perda dos caladeiros en Mauritania
Por Redacción
O 4 de outubro a frota do Morrazo se manifestará ás 20:30 horas ante a falta de acordo para que os barcos cefalopodeiros poidan pescar en Mauritania.
"Tiñamos 24 barcos, 6 están xa rozas e do resto vos armadores están vendo distintas alternativas" afirma o representante de sector de Mar da FGAMT-CIG, Xabier Aboi, sinalando que algúns están a tomar rumbo cara ás Malvinas aínda que non contan con estrutura para poder traballar ben naquelas augas.
ÿ a consecuencia da decisión de Mauritania de prohibir que os barcos cefalopoderos galegos faenen nas súas augas e que os barcos europeos realicen alí a campaña científica. Di que outros países lograron melloras pero que o goberno español foi incapaz de colocar apenas oito barcos de O Morrazo de pesca de polbo neses caladoiros.
Agora a única alternativa para a frota do Morrazo céntrase en que o Parlamento europeo rexeite o convenio pesqueiro o próximo 9 de outubro. Pero as esperanzas, segundo o representante da CIG, son mínimas: "non vai pasar nada, pero imos ver como votan vos partidos españois non Parlamento europeo e agardamos que este país teña memoria histórica". Di que van estar moi atentos para comprobar se efectivamente son moeda de cambio para que outros sectores como o marisqueiro ou o do palangre saísen beneficiados no convenio.
Este acordo estará en vigor ata o mes de agosto do próximo ano e, segundo sinala Xabier Aboi, "ninguén se acorda de que un caladoiro que se teña perdido, poida volver recuperarse".