A Xunta Electoral volve desestimar a denuncia do PP contra Miguel Fernández Lores
Por Alejandro Espiño
A Xunta Electoral provincial desestimou por terceira vez o recurso presentado polo Partido Popular contra a reunión que, antes da campaña electoral, mantivo o alcalde de Pontevedra, Miguel Fernández Lores, con colectivos sociais da cidade. Para o rexedor capitalino é toda unha satisfacción e lamentou a insistencia do grupo municipal popular. "Ao PP chamáronlle a atención nove veces esta campaña e non pasa nada".
"A min non me doen prendas de defender os posicionamientos que considero que son importantes para os cidadáns de Pontevedra e para os sectores comerciais e empresariais de Pontevedra, e se iso ten algún custo, para iso estou aquí", insistiu Fernández Lores, que recordou que convocou dita reunión ante a preocupación social polas políticas de recortes aplicadas polo Goberno central.
O PP sinala que "conseguimos el objetivo"
Pola súa banda, o voceiro municipal do PP, Jacobo Moreira, quitou ferro á resolución da Xunta Electoral provincial. Tras anunciar que non volverá recorrer esta decisión, explicou que "las elecciones ya pasaron" e que os continuos recursos dos populares "ya han conseguido el objetivo, que era que el alcalde se abstuviera de seguir haciendo mítines políticos".
Moreira asegura que desde que o Partido Popular denunciouno ante as autoridades electorais, Miguel Fernández Lores, non volveu convocar un acto de "tintes electorales" como alcalde de Pontevedra. E matiza que a resolución da Xunta Electoral entende que a reunión convocada cos axentes sociais "ralla el límite" do que marca a lei electoral.