A Cámara de Comercio presenta as VIII Xornadas de Dereito Concursal
Por Diego Espiño
O Pazo da Cultura de Pontevedra acollerá os próximos días 30 e 31 de maio as VIII Xornadas de Dereito Concursal que organiza a Cámara de Comercio de Pontevedra.
Dous días de charlas e asesoramento sobre a lei concursal da man de maxistrados, avogados e especialistas de diferentes puntos do Estado, para intentar segundo o presidente cameral Eduardo Barros, que as empresas que se acollen á lei non rematen nunha liquidación, "hacemos un llamamiento a las empresas para que se acerquen a los profesionales de la asesoría o economistas y así no lleguen tarde al concurso".
Na mesma liña se posiciona o decano do Colexio Provincial de Avogados, Ramón Jáudenes, quen recoñeceu ademais que a cifra de solicitudes de concurso de acredores segue aumentando se se teñen en conta os datos de 2012, con 10.290 peticións en toda España (un incremento do 28,2%) e 482 en Galicia, "las empresas llegan demasiado tarde al concurso, muchas llegan ya en la UVI y es imposible salvarlas, los jueces lo que no pueden es hacer milagros".
Entre os conferenciantes encóntranse dous maxistrados do Tribunal Supremo, Ignacio Sancho e Rafael Gimeno-Bayón, do Tribunal Superior de Xustiza de Galicia como Isabel Olmos ou da Audiencia de Pontevedra, Javier Menéndez Estébanez ou Jacinto Pérez, ademais doutros xuíces titulares doutras cidades galegas e españolas.
A inscrición para as xornadas, que conta xa con 108 participantes confirmados, pode realizarse nas oficinas da Cámara de Comercio ou no correo electrónico concursal@camarapontevedra.com.