Ence contribuirá á ampliación da EDAR dos Praceres "por solidariedade cos seus veciños"
Por Redacción
A empresa ENCE asegura que contribuirá á ampliación da Estación Depuradora de Augas Residuais (EDAR) dos Praceres, "como mostra de solidariedade cos veciños de Pontevedra e os mariscadores", iniciativa que, segundo a compañía, "forma parte dos compromisos e da responsabilidade social de Ence coa súa contorna".
Ence precisou que a compañía non ten "ningunha relación coa EDAR dos Praceres", posto que o efluente da súa factoría en Lourizán non é tratado na devandita estación xa que conta cunha depuración de augas "propia e totalmente independente".
Ence destinará 15 millóns de euros para a modernización e mellora da depuradora dos Praceres.
Deste xeito Ence resposta ao dito pola concelleira Carme da Silva na última sesión plenaria da corporación municipal na que afirmou que a ampliación das instalacións dos Praceres era "un proxecto para beneficiar exclusivamente a Ence".
Relacionadas:
-
ENCE defende ante a marcha de protesta da APDR que cumpre "rigorosamente" a normativa ambiental
Por Redacción | Creada e actualizada
-
ENCE investirá 4 millóns de euros nun secadero de cortizas na súa fábrica de Lourizán
Por Oskar Viéitez |
-
ENCE afirma que o impacto visual das ampliacións da fábrica de Lourizán será "mínimo"
Por Oskar Viéitez |