A primavera despídese con temperaturas por encima dos 30 graos
Por Redacción
Con sol e calor. Así preséntase a última semana da primavera nas Rías Baixas, segundo as previsións de Meteogalicia.
En función desa predición, as temperaturas subirán ata ao redor dos 30 graos durante os próximos días, chegando mesmo a superar esta cifra.
Conforme avance a semana "a presenza de aire frío en altura pode dar lugar a que crezan nubes de evolución polas tardes, con posibilidade de chuvascos tormentosos", sinala o servizo meteorolóxico.
Con todo, esa posibilidade que se pode dar desde o xoves é polo momento baixa.
En canto ás temperaturas mínimas, estarán situadas durante as próximas xornadas entre os 15 e os 17 graos centígrados.