A ponte da Barca, en obras a partir de mediados de xullo para a súa reforma integral
Por Alejandro Espiño
Segunda quincena de xullo. É a data prevista para o comezo das obras de reforma integral da ponte da Barca. Os traballos serán executados pola empresa Civis Global e teñen un prazo de execución de cinco meses.
A Consellería de Infraestruturas e Vivenda adxudicou estas obras por 930.809 euros.
Para minimizar o impacto no tráfico, o goberno galego avanza que se deseñará un plan co que durante o día se poidan manter os dous sentidos de circulación, salvo en situacións puntuais, e que pola noite se leven a cabo as afeccións necesarias.
Os traballos parten dunha profunda análise coa que se revisou toda a estrutura ao longo do pasado ano. O resultado de dito estudo é o proxecto que se presentou aos concellos de Pontevedra e Poio.
As actuacións suporán a renovación da marquesiña que protexe as beirarrúas, construirase unha nova estrutura de madeira cun tratamento protector que estará especialmente deseñada para evitar a acumulación da auga e a cuberta será de aluminio para evitar un rápido deterioro e garantir a maior resistencia.
Nesta obra empregaranse materiais máis duradeiros e en perfecta sintonía co medio, dun xeito integrado coa paisaxe. Ademais, levaranse a cabo outras accións importantes para a conservación da propia ponte, para incrementar a súa vida útil, como o selado de fisuras, a mellora evacuación das augas, a reparación dos sumidoiros ou o repintado da estrutura.
Así mesmo, iluminarase tanto a propia ponte como a estrada con proxectores led, que mellorarán a estética realzando a estrutura, ademais de acadar unha maior eficiencia enerxética e un aforro no consumo.
Relacionadas:
-
Comeza a desmontaxe da marquesiña da Ponte da Barca
Por Oskar Viéitez |
-
Pedaladas insiste en reclamar un só carril motorizado e outro dobre para bicicletas na Ponte da Barca
Por Redacción |
-
A ponte da Barca seguirá aberta ata despois das festas
Por Redacción |
-
As beirarrúas da ponte da Barca non se ampliarán
Por Redacción |
-
Mosquera critica que o proxecto da Xunta para a ponte da Barca incumpre a normativa autonómica
Por Natalia Puga | Creada e actualizada
-
A Xunta, disposta a suprimir un carril na ponte da Barca se hai acordo entre Pontevedra e Poio
Por Alejandro Espiño |
-
A "nova" ponte da Barca estreará marquesiña e iluminación pero, por agora, coas mesmas beirarrúas
Por Alejandro Espiño |