Os socialistas valoran moi negativamente a privatización da xestión do abastecemento de auga
Por Redacción
O grupo municipal do Partido Socialista considera que a adxudicación á empresa Viaqua da concesión da xestión do servio da auga foi "o último cravo no ataúde da recuperación da xestión dun servizo publico" valorando esta contratación como "un día moi triste salvo para a empresa adxudicataria que deu todo un pelotazo". Así de contundente manifestouse o portavoz do PSOE Tino Fernández que volveu mostrarse moi critico co BNG por "defender todo o contrario que hai 20 anos".
Insisten os Socialistas en que "o goberno está a vender o que non é certo" dando a "sensación de que a empresa nos vai a regalar mais de 50 millóns en investimentos e non é así" xa que os cartos que invista a empresa, "temos que devolvelos con intereses e sairá do peto de todos os veciños e veciñas. Nadie fai nada gratis".
Para o PSOE o todo o proceso foi un "esperpento" e "chapuceiro" que "supera en escandalosa á efectuada fai 20 anos por un goberno do PP".
Tino Fernández manten que a mellor proposta segue a ser estudar a remunicipalizacion e reitera que "este servizo privatizado sáenos mais caro que se fose de xestión publica.
"Estamos convencidos de que este proceso vai a acabar nos tribunais e iso ainda nos custará mais cartos de todas e todos nos" rematou dicindo Tino Fernández.