A presidenta da Deputación define a situación de Rande como un "coñazo"
Por Anxo Lourido
Os colapsos circulatorios na AP-9 e, en concreto, na ponte de Rande levaron á presidenta da Deputación Provincial, Carmela Silva, a mostrar o seu enfado en público.
Na presentación de TurisTic, un proxecto turístico e tecnolóxico que promove a institución provincial, a máxima responsable provincial agradecía a presenza dos medios de comunicación ás 09.30 horas deste luns no acto para, a continuación, afirmar que ela tivera que sufrir un atasco a primeiras horas da mañá na autoestrada cando viaxaba desde Vigo a Pontevedra.
"Estiven retida vinte minutos en Rande. A ver se é certo que o día 31 remata este coñazo. O digo así de claro", expresou Carmela Silva durante a súa comparecencia pública.
Os problemas na AP-9 levaron a que o Ministerio Fiscal abrise dilixencias nos últimos días debido a ese funcionamento deficiente, que está relacionado coas obras de ampliación de capacidade que acomete Audasa. Numerosos alcaldes reclamaron que se levante as barreiras cando se rexistren atascos.
O Ministerio de Fomento indicou que está previsto que o 31 de maio finalicen os traballos de rehabilitación na ponte de Rande.
Relacionadas:
-
Carmela Silva esixe á Xunta solucións aos atascos cara as praias
Por Oskar Viéitez |
-
Chega o momento de facer cálculos: sufrir atascos en Rande tras pagar 1.212 euros en peaxes en dous anos
Por Natalia Puga & Mónica Patxot |
-
O BNG pide a Fomento que non pague a Audasa as bonificacións da AP-9 ata que non solucione os atascos en Rande
Por Oskar Viéitez |