Ferida leve unha peregrina que foi atropelada en Alba
Por Oskar Viéitez
Creada e actualizada
Creada e actualizada
Un peregrina que percorría o Camiño Portugués a Santiago de Compostela foi atropelado en Alba.
O suceso tivo lugar ás 8.30 horas da mañá deste mércores. Despois de atravesar a ponte do río Rons a muller camiñaba á altura da curva que leva á estrada de Vilagarcía cando foi alcanzada polo coche.
A peregrina foi ferida nunha perna, pero o seu prognóstico non reviste gravidade. Foi o propio condutor do vehículo quen avisou aos servizos de emerxencia e á Garda Civil para que levantase o atestado.
O accidente provocou atascos na circulación rodada, formándose unha gran caravana de vehículos.
O presidente da Asociación de Amigos do Camiño Portugués, Tino Lores, leva tempo advertindo dos problemas de seguridade viaria que existen nalgúns tramos concretos do camiño.
O cruzamento da N-550 en Pontevedra ou a perigosa saída de Pontevedra en San Caetano son só dous destes tramos perigosos polo que Tino Lores entende que o accidente deste mércores é "un aviso" para que se adopten medidas.
Tino Lores apunta que este ano a cifra de peregrinos que percorrerán o Camiño Portugués poderían superar as 80.000 persoas. Desde a asociación de veciños O Chedeiro de Cerponzóns alertan de que ademais dos peregrinos tamén numerosos veciños cruzan por esa zona e que xa pediron persoalmente ao director xeral de Infraestruturas da Xunta unha solución sen que se teña acometido ningunha reforma polo momento.
Relacionadas:
-
Tráfico vixía os peregrinos
Por Oskar Viéitez |
-
O PSOE pide obras de urxencia no Camiño Portugués tras o atropelo dunha peregrina en Alba
Por Redacción |
-
A Garda Civil de Pontevedra prestará especial atención aos peregrinos durante a Semana Santa
Por Redacción |
-
Acordo unánime no Parlamento para mellorar a seguridade viaria no Camiño Portugués
Por Redacción |
-
A Xunta e a Deputación centrarán os seus investimentos para 2018 no Camiño Portugués a Santiago
Por Oskar Viéitez & Mónica Patxot |
-
Wi-fi de balde no Camiño de Santiago
Por Oskar Viéitez |