Un terremoto de 2,6 graos déixase sentir en Ponte Caldelas
Por Alejandro Espiño
A terra volveu tremer en Ponte Caldelas. Segundo confirmou o Instituto Xeográfico Nacional, un terremoto de 2,6 graos na escala Richter deixouse sentir este martes no municipio pontevedrés.
O tremor, tal e como mostran os rexistros oficiais, produciuse ás 18:36 horas e durou apenas uns segundos.
O epicentro situouse a 11 quilómetros de profundidade.
O terremoto non produciu danos no municipio, segundo confirman os servizos de emerxencia.
Non foi o único tremor que houbo esta tarde en Ponte Caldelas. Tras o primeiro terremoto, rexistráronse ata outras catro réplicas. Foi entre as 19.01 e as 19.21 horas. Todos eles situáronse entre os 2 e os 2,5 graos na escala Ritcher.