Ferido un motorista de 72 anos ao chocar contra a porta dun coche
Por Oskar Viéitez
Un veciño de Cambados de 72 anos resultou ferido de consideración nun accidente de tráfico, ao bater contra a porta dun vehículo que estaba estacionado.
Segundo informaron desde Protección Civil de Cambados, "o coche abriu a porta e a moto non puido esquivar".
Sucedeu sobre as dúas da tarde deste luns na estrada entre Vilagarcía-Cambados a PO-549 á altura de Corvillón.
O ferido, de iniciais A.C.F., levaba posto o casco e foi derivado ao Hospital do Salnes por dor cervical, lumbar e perda de coñecemento. Posteriormente foi traslado ao Quirón Domínguez de Pontevedra.