Chini deixa atrás o maltrato e xa ten unha nova familia
Por Redacción
Chini, unha das cadelas desnutridas atopadas nunha incautación en Soutomaior en xuño do pasado ano 2017 e que fora trasladada ao Centro de Acollida e Protección Animal (CAAN) da Deputación de Pontevedra, vén de atopar unha nova familia grazas á colaboración da asociación protectora Adopciones Galicia co centro da Armenteira.
A cadela marchará para o concello de Oleiros onde a espera unha nova etapa na que, deixando atrás a súa historia de maltrato, convivirá con outras dúas cadelas adoptadas polos seus donos noutras protectoras coruñesas.
A historia de Chini e dos 14 animais que estaban con ela conmoveu a todo o que a escoitou hai un ano: vívía nun estado lamentable con pésimas condicións hixiénico-sanitarias nunha finca de Soutomaior. Alí tamén se atoparon os cadáveres doutros tres cans. As forzas de seguridade tiveron que intervir pola situación e detiveron ao seu propietario, un home de 42 anos que foi acusado dun delito continuado de maltrato animal.
Todos os cans foron trasladados ao CAAN da Armenteira e, pouco a pouco, foron atopando novas familias. Chini foi a última que quedou no centro e Adopciones Galicia involucrouse na busca dunha familia para ela dende o mes de xaneiro.
Ao CAAN Chini chegara con sarna e moi delgada debido á súa mala alimentación e estado de abandono. De feito, como consecuencia diso, fáltanlle case todos os dentes, o que dificultou a determinación da súa idade, que se calculou ao redor de seis anos. A cadela tamén lle falta un ollo pero non lle supón ningún problema para facer a súa vida normalmente.
Relacionadas:
-
A Deputación ampliará a canceira provincial para acadar un maior benestar dos animais
Por Redacción |
-
A cadela cega Cata atopa, por fin, un fogar
Por Redacción |
-
A empresa pública Tragsatec seguirá xestionando a canceira provincial ata 2019
Por Oskar Viéitez |
-
Un veciño de Poio adopta a 'Amor', a cadela máis veterana de CAAN
Por Redacción |
-
Un atropelo e catro operacións despois, Paloma atopa un novo fogar
Por Diego Espiño |
-
O CAAN recuperou 900 cans na provincia durante este ano
Por Redacción |