O alumnado do instituto de Poio practica coas bicis polas estradas
Por Redacción
Durante esta semana as rúas do municipio de Poio acollen unha actividade práctica de circulación con bicicleta organizado conxuntamente polo Concello, a Policía Local e a Asociación Pedaladas.
O alumnado do IES de Poio está a recibir formación teórica e práctica no manexo da bicicleta e na súa circulación polas vías con tránsito rodado.
Cada xornada, de cinco horas de duración, comezará cunha sesión de formación nos exteriores do instituto na que se realizará o test de Pauwells, consistente nunha proba práctica de dominio da bicicleta.
Logo o alumnado continúa cun percorrido práctico polas rúas acompañados da unidade de formación da Policía Local de Poio e membros da Asociación Pedaladas, cunha distancia de seis quilómetros.
Con esta actividade búscase fomentar o emprego da bicicleta por parte da mocidade ao tempo que se lles instrúe en prácticas seguras de circulación.