Xornadas de portas abertas para gozar en maio da musealización do castelo de Soutomaior
Por Oskar Viéitez
"Antes tiñamos unha xoia escondida nun xoieiro e agora puxémola á vista, para que toda a cidadanía poida gozar dela", dixo este mércores a presidenta da Deputación de Pontevedra, Carmela Silva, nunha visita á nova musealización do castelo de Soutomaior.
A presidenta, xunto ao deputado de Turismo, Santos Héctor Rodríguez, e á deputada da Estación Fitopatolóxica do Areeiro, Eva Vilaverde, acompañados de xornalistas e turoperadores da provincia coñeceron o resultados das actuacións levadas a cabo no castelo nos últimos meses.
Silva anunciou xornadas de portas abertas para desfrutar durante este mes da actuación realizada, amosouse emocionada polo resultado e por "sacar ao castelo dun uso partidario para convertelo no símbolo do turismo na provincia".
A musealización do castelo de Soutomaior será inaugurada o 11 de maio.
O público poderá ver caixas máxicas, vídeos divertidos e amenos, un mapping sorprendente, elementos interactivos, paneis ilustrativos e informativos.
Este mesmo mes de maio sairán xa á venda as entradas para o castelo e haberá entradas gratuítas ou con importantes descontos para persoas maiores, desempregadas, estudantes ou persoas con diversidade funcional.
O goberno provincial leva investidos no castelo de Soutomaior máis de dous millóns de euros, que chegarán a catro millóns cando remate o mandato.
Relacionadas:
-
TurisTIC preséntase como un proxecto da Deputación para unir promoción turística e tecnoloxía
Por Redacción |
-
"Madrugas, Pedro?", unha nova ruta que segue as pegadas de Pedro Álvarez de Sotomayor
Por Oskar Viéitez |
-
A provincia vai promocionarse con 'Somos historias' en Madrid
Por Redacción |
-
A Deputación de Pontevedra traballa na recuperación dunha pantasma
Por Redacción |
-
Historias de castelos e de fenicios
Por Oskar Viéitez |
-
O castelo de Soutomaior, a través da mirada dos nenos
Por Redacción |