Haberá una campaña informativa "masiva" para resolver dúbidas sobre a compostaxe
Por Alejandro Espiño
Para o Concello, unha "peza fundamental" para o éxito do sistema de compostaxe que se está implantando en Pontevedra é a participación dos cidadáns. Por iso é polo que, a petición das asociacións de veciños, o goberno municipal decidiu poñer en marcha unha campaña informativa "masiva" para resolver as dúbidas que teñan os pontevedreses.
Así o avanzou Carme da Silva tras a reunión que mantivo, acompañada polo alcalde e o edil Demetrio Gómez, con asociacións de veciños e comunidades de montes que están a colaborar xa coa compostaxe comunitaria.
Ao encontro acudiron, entre outras, asociacións de veciños de Eduardo Pondal, A Parda, Valdecorvos, Monte Porreiro ou Salcedo, a Federación Castelao ou os comuneiros de Tomeza e Salcedo, acompañados pola Mancomunidade de Montes de Pontevedra.
O obxectivo desta campaña, que se desenvolverá de maneira física e a través de redes sociais, será que cidadáns que "descoñecen o proceso" teñan acceso a toda a información que precisan para entender como é o sistema polo que aposta Pontevedra.
Ademais, reforzarase a atención dos mestres composteiros aos veciños naqueles puntos onde xa estean a funcionar os centros comunitarios de compostaxe.
A este respecto, Da Silva explicou que a demanda destes centros segue en aumento, pero recoñeceu que "non podemos ir todo o rápido que demanda a xente". Así, por agora, só pensar ampliar os existentes se o seu ritmo de funcionamento segue sendo "espectacular" como ata agora.
En Ponte Boleira, explicou a edil do BNG, están a achegar ao composteiro unhas 400 peronas, catro veces máis que as previsións iniciais, un comportamento que segundo asegurou está a repetirse en todas as zonas que contan xa con este sistema.
En apenas quince días sairá o primeiro compost producido en Eduardo Pondal, engadiu. Aproveitarase para organizar, a finais de maio, un acto cívico para "poñer en valor" o traballo dos veciños. Haberá plantacións de árbores, repartición do compost producido e arranxaranse os xardíns situados no ámbito do centro comunitario de compostaxe.
Relacionadas:
-
Eduardo Pondal celebrará cunha festa a súa primeira produción de compost
Por Oskar Viéitez |
-
Máis de 150 persoas optan aos catro empregos que ofrece Pontevedra coa compostaxe
Por Alejandro Espiño |
-
Os veciños partidarios da compostaxe queren que repercuta positivamente no recibo do lixo
Por Oskar Viéitez |
-
Os concellos xa poden solicitar subvencións para contratar mestres composteiros
Por Redacción |
-
Moreira acusa ao goberno local de utilizar as cámaras de tráfico para vixiar os composteiros
Por Oskar Viéitez | Creada e actualizada
-
Os populares cren que o BNG busca "cómplices" para "compartir o fracaso" do plan de compostaxe
Por Paula Sanmartín & Oskar Viéitez |
-
Lagares Oca "guiará" o proceso para licitar o novo contrato de recollida de lixo
Por Alejandro Espiño |
-
Ana Pontón ve o plan de compostaxe de Pontevedra como unha "referencia" internacional
Por Alejandro Espiño & Mónica Patxot |
-
A sobreaportación nos composteiros de Eduardo Pondal obrigará a poñer máis ou pechalos
Por Oskar Viéitez |