Desmantelan un punto de venda de haxix nun domicilio de Eduardo Pondal
Por Natalia Puga
A Policía Local de Pontevedra conseguiu desmantelar un punto de venda de haxix polo miúdo na rúa Eduardo Pondal e deter o presunto responsable do trapicheo, un mozo de 24 anos que distribuía a substancia estupefaciente desde o seu domicilio.
Segundo informou a Policía Local, a intervención enmárcase nas actuacións policiais de vixilancia e prevención de cómpraa venda e consumo de drogas en espazos públicos e foi resultado das informacións previas que recibiran os axentes e de dúas xornadas de vixilancia específica.
Os axentes tiveron coñecemento de que en Eduardo Pondal había un punto no que se distribuía haxix, de modo que montaron un dispositivo que lles permitiu acreditar que os clientes se achegaban a un mesmo domicilio da rúa.
O presunto trapicheiro foi detido tras acreditarse dúas vendas de substancia estupefaciente a clientes e intervirse pequenas cantidades desta substancia.