O pleno dará luz verde á rehabilitación do lavadoiro de San Amaro
Por Alejandro Espiño
Tras case cinco anos de tramitación, un convenio cun particular permitirá ao Concello rehabilitar o lavadoiro de San Amaro. O pleno da corporación aprobará este venres o estudo de detalle desta operación que permitirá, segundo o goberno municipal, acondicionar todo este ámbito urbano.
O convenio urbanístico, que conta con todos os informes favorables -os últimos de Cultura e Patrimonio da Xunta-, permitirá a construción de tres vivendas unifamiliares nun terreo próximo ao lavadoiro e que, no seu día, pertencía á familia de Julio Araújo.
Os propietarios, a cambio deste permiso polo que ademais de reaxustan as aliñacións coa rúa Valdecorvos, cederán terreo lindante co lavadoiro e entregaron ao Concello 105.814 euros.
Ese diñeiro destinarase, segundo Anabel Gulías, á urbanización e acondicionamento da contorna do lavadoiro.
Patrimonio, na súa autorización, considera que esta actuación contribuirá a dignificar as inmediacións da capela de San Mauro, creando un espazo diáfano e respectuoso co templo. Tan só reclaman que se manteña un muro que hai na zona.
Relacionadas:
-
As obras no lavadoiro de San Amaro chegan ao seu fin
Por Redacción |
-
Os veciños de San Mauro están en pé de guerra contra o peche ao aparcamento do adro da capela
Por Manu Otero |
-
Un convenio urbanístico cun particular permitirá crear unha praza pública en San Amaro
Por Redacción |
-
O Concello planea mellorar "toda a zona de San Amaro"
Por Diego Espiño |