Doce empresas optan a construción do futuro Local social do Burgo
Por Redacción
A apertura de plicas constatou que son doce as empresas que optan ao concurso para a construción do futuro Centro social do Burgo, unha obra que sae a licitación cun orzamento de 639.902,97 euros, segundo lembra o portavoz do Goberno local e concelleiro responsábel de Contratación, Raimundo González.
As empresas que concorreron ao concurso son as seguintes:
- Construcciones Emi Álvarez SL
- Construcciones Abal
- Inelsa
- CPA (Construcciones y Proyectos Abilleira SL)
- GPD Construcciones
- Ediserpo
- Construcciones Gómez Crespo
- Prado Lameira SL
- Coviastec SL
- Elsamex
- Copcisa
- Emergis UTE CruzVal SL
Abertas as plicas, agora é tempo da avaliación técnica das ofertas.
O futuro Centro Social de O Burgo ocupará 1.087 metros cadrados no campo de Pasarón. No soto contará con espazos para almacéns e armarios diferenciados para a asociación de veciños e para o CF Pontevedra. No primeiro andar disporá dun vestíbulo e zona de estancia de 111,50 metros cadrados, unha aula social de 62,40 metros e un salón multiusos de 97,05 metros, entre outras dependencias. Estes espazos estarán destinados a actividades, cursos, obradoiros... polo que se inclúe unha cociña-aula solicitada pola asociación.
O obxectivo é crear un centro accesible e intelixente dende un punto de vista social, económico e enerxético, e totalmente independente do estadio de fútbol de Pasarón. Para garantir a perfecta separación co campo de fútbol, xerouse unha nova entrada para o centro veciñal. Esta independencia, a desconexión total dos espazos, foi unha demanda coincidente da Asociación Cultural O Burgo e do club e quedou recollida no proxecto.
Relacionadas:
-
O luns comezan os traballos de construción do novo local social do Burgo en Pasarón
Por Redacción |
-
O Burgo terá un novo centro social dentro de oito meses
Por Alejandro Espiño |
-
O centro social do Burgo afianza a "boa saúde" da relación entre Concello e Deputación
Por Alejandro Espiño |
-
O grupo socialista pide a creación dun albergue de peregrinos na ponte do Burgo
Por Anxo Lourido | Creada e actualizada
-
O orzamento municipal de 2018 péchase en 75 millóns
Por Alejandro Espiño |
-
O novo centro social do Burgo en Pasarón terá un orzamento de 639.000 euros
Por Redacción |
-
Tino Fernández, "estupefacto" coa designación do arquitecto da obra do novo local social do Burgo
Por Redacción |
-
Os veciños do Burgo contarán cun novo local social en Pasarón
Por Alejandro Espiño |