Veciños e empresarios de Fernando Olmedo piden, segundo o Concello, deixar só aparcadoiros de servizos
Por Oskar Viéitez
O concelleiro de Obras e Mobilidade, Demetrio Gómez, mantivo unha reunión con veciños e empresarios da rúa Fernando Olmedo para falar das obras de reforma urbana que se están a acometer na zona.
Segundo a versión que traslada o gabinete de comunicación do concello, neste encontro os residentes e donos de negocios pediron ao concelleiro que a reordenación deste espazo da cidade quede liberada de prazas de estacionamento estables, é dicir, que todas as que queden sexan de servizos.
Entenden que as prazas de servizos dan resposta ás necesidades derivadas da actividade económica e aos posibles problemas puntuais de mobilidade ou necesidades de transporte que poida ter a veciñanza o calquera outra persoa que se achegue a zona, sinalan estas mesmas fontes.
Esta reforma está en marcha e inclúe a eliminación dunha bolsa de estacionamento no cruzamento A Seca-Fernando Olmedo-Casimiro Gómez.
Relacionadas:
-
O remate das obras de Fernando Olmedo atrásase un mes
Por Alejandro Espiño |
-
O Camiño Vello de Castela cambia de sentido de circulación
Por Redacción |
-
Benito Corbal terá beirarrúas máis anchas e menos aparcamentos libres
Por Alejandro Espiño |
-
A contorna da sede da Cruz Vermella só contará con aparcadoiros para servizos
Por Redacción |
-
340.000 euros para mellorar a contorna da rúa da Seca
Por Redacción |