O goberno local continúa o seu labor "evanxelizador" do modelo de cidade
Por Oskar Viéitez
Varios membros do goberno municipal de Pontevedra continúan esta semana divulgando polo mundo o modelo urbano seguido pola cidade do Lérez.
Así, ante un auditorio de arredor 2.000 persoas (a gran maioría profesionais do urbanismo e da arquitectura e estudantes), o alcalde de Pontevedra Miguel Anxo Fernández Lores ofreceu este martes unha conferencia sobre a Boa Vila no foro Mextrópoli, que se desenvolve no Teatro Metropólitan de Ciudad de México.
Na súa intervención, de media hora de duración, o alcalde non quixo dar receitas de como crear unha cidade para todos porque "cada unha ten que seguir o seu propio camiño", pero si que defendeu que "todos coincidimos en querer crear cidades sostibles".
O "modelo Pontevedra" é un dos tres casos prácticos de transformación urbana que se van analizar e debater este martes no encontro "Repensando o espazo público" que organiza ASA (Asociación Sostenibilidad y Arquitectura).
Neste caso, será a tenente alcalde, Carme da Silva, a que faga a exposición en Madrid xunto ao arquitecto Emilio Hormias Laperal que falará da experiencia de Bellvitge e de Canyelles (Barcelona) e o enxeñeiro-urbanista Carlos Corra do departamento de Mobilidade do Concello de Madrid que presentará o Paseo Eje Norte- Sur Prado-Recoletos-Castellana.
Relacionadas:
-
Pontevedra explica en Cascais que velocidade e calidade urbana son "incompatibles"
Por Redacción |
-
Cidade de México enviará unha carteira de investidores interesados en Pontevedra
Por Redacción |
-
Tres intensas xornadas agardan a Pontevedra en Cidade de México
Por Redacción |
-
Pontevedra volve a México para expor o seu proceso de transformación no Mextrópoli 2018
Por Anxo Lourido |
-
Salzburgo estuda o modelo de Pontevedra como "paradigma" de espazos urbanos
Por Redacción |
-
Viladecans e Pontevedra, unidas en filosofía urbanística
Por Mónica Patxot & Anxo Lourido |
-
Periodistas europeos visitan a Boa Vila para coñecer o modelo de mobilidade
Por David Arana & Gabriela Varela Asorey |