O centro penal da Lama homenaxea ao pintor pontevedrés Manolo Moldes
Por Redacción
O Centro de Educación de Adultos Nelson Mandela, situado no Centro Penal da Lama, renderá unha sentida homenaxe á figura do Manolo Moldes.
Unha das aulas do centro será bautizada co nome do pintor pontevedrés, recentemente falecido, como homenaxe á súa importante traxectoria e tamén á súa colaboración desinteresada co centro.
Moldes colaborou no pasado coa institución penal cunha exposición dalgunhas das súas obras no módulo 6 con motivo do décimo aniversario do penal.
Segundo explicou o director do Centro de Educación de Adultos Nelson Mandela, Juan Carlos Vilar Pérez, o artista deixou "unha profunda pegada da súa calidade humana e artística" e por iso queren mostrar a súa gratitude.
Ademais dunha placa co seu nome na exterior da aula, no seu interior contará cunha recensión biográfica e fotografías de varias das obras de Moldes para que os alumnos e alumnas poidan coñecer mellor a obra do pintor.
Relacionadas:
-
Homenaxe póstuma a Manuel Moldes no Museo co catálogo da súa última exposición
Por Redacción |
-
Piden que o Sexto Edificio do Museo reciba o nome de Manuel Moldes
Por Alejandro Espiño |
-
O mundo da arte, emocionado co adeus ao incomparable Manuel Moldes
Por Mónica Patxot & Anxo Lourido |
-
O Teatro Principal énchese para despedir a Manolo Moldes
Por Redacción |
-
O adeus que pediu Manolo Moldes: estudantes elaboran un sudario entre sorrisos e cervexas
Por Mónica Patxot & Anxo Lourido |
-
Loito na cultura pontevedresa: falece o pintor Manuel Moldes
Por Natalia Puga |