Hotusa adquire o Gran Hotel La Toja
Por Redacción
Dous dos principais establecementos hostaleiros da illa da Toxa (O Grove) pasan a mans do Grupo Hotusa, unha das cadeas máis importantes do sector. Trátase do Gran Hotel La Toja e do Balneario Isla de la Toja, de cinco e catro estrelas respectivamente.
Hotusa pechou un acordo co Banco Popular para adquirir os hoteis que, desde xuño de 2015, explotaba xa a través da súa cadea Eurostars Hotels.
O acordo inclúe, xunto con estes dous hoteis, a cesión do Casino La Toja, o Palacio de Congresos -que ten capacidade para 800 persoas- e o Restaurante Los Hornos.
Amancio López Seijas, presidente do grupo Hotusa, sinalou que "para min, na miña condición de galego, é un orgullo e, como empresario, un privilexio ter a oportunidade de adquirir estes establecementos que constitúen dous auténticos referentes da hotelaría en Galicia".
A incorporación do resto de establecementos supoñerá, engadiu, "un reforzo de luxo para complementar a actual oferta de servizos e ampliar o noso nicho de mercado".
Relacionadas:
-
A Xunta garante aos traballadores a continuidade do casino da Toxa
Por Redacción |
-
O Eurostars Gran Hotel La Toja 5* reabre as súas portas ao público
Por Noticia patrocinada |
-
O Casino da Toxa abrirá unha sala de xogo nun centro comercial de Vigo
Por Redacción |
-
Acordo entre Deputación e Hotusa para promocionar as Rías Baixas
Por Oskar Viéitez |
-
Comisións Obreiras mobilízase contra os "abusos laborais" no Gran Hotel La Toja
Por Oskar Viéitez |
-
Hotusa explotará o Gran Hotel de La Toja e o Balneario, nos que investirá 4 millóns de euros
Por Oskar Viéitez |