A CIG reclama un sistema público de pensións que ofreza garantías
Por Gabriela Varela Asorey
Creada e actualizada
Creada e actualizada
Este martes 27 de febreiro, o colectivo de xubilados e pensionistas da CIG levaron a cabo unha concentración na praza da Peregrina, en Pontevedra.
O obxetivo foi a defensa do sistema público de pensións, en demanda de que o seu poder adquisitivo se vexa garantido, ademáis da esixencia de que as mínimas sexan iguais ao salario mínimo interprofesional.
A principal denuncia que fai este colectivo vén a prol das reformas aprobadas polo PSOE e o PP. Segundo expoñen representantes do sindicato nacionalista non houbo revisión do importe nominal das pensións durante varios exercicios e, coa posterior eliminación da lei que establecía o IPC, promoveuse un duro recorte que poderá chegar a reducir algunhas pensións futuras ata un 20%.
O colectivo de xubilados e pensionistas salienta que na actualidade existe un maior empobrecemento das persoas pensionistas. Preto dun 60% das pensións dos galegos atópanse por debaixo do salario mínimo.
Ademáis, e co 8 de marzo próximo no calendario, é destacable a referencia as mulleres que se fixo nesta protesta. Afirman que as mulleres adoitan ter unha vida laboral máis precaria e con menor remuneración, polo que son unhas das máis afectadas ante este recorte das pensións.
Tamén critican o "roubo" a emigrantes retornados, os cales se ven afectados pola retirada do finanzamento público de medicamentos e o recobro dos mesmos, converténdose nun novo imposto á enfermidade.
Con esta mobilización perseguen a derrogación destas reformas así como acadar un sistema público de pensións.
Para isto, mentres se levaba a termo a protesta, realizouse unha recollida de sinaturas para chegar a acadar os obxectivos.
Relacionadas:
-
A CIG maniféstase polo centro de Pontevedra en defensa das pensións dignas
Por Sara López Lago & Anxo Lourido |
-
A CIG convoca os xubilados a unha protesta na Ferrería para reclamar pensións dignas
Por María López Verdial & Anxo Lourido |
-
Piden que Rajoy priorice en pensións dignas antes que en Defensa: "Que é primeiro? Comer ou tirar balas?"
Por Mónica Patxot & Anxo Lourido |
-
A CIG volve á rúa para reivindicar que as pensións se revaloricen conforme ao IPC
Por Redacción |