Unha segunda promotora proxecta outras 92 vivendas nos terreos da antiga Tafisa
Por Alejandro Espiño
Parece que, definitivamente, despega o desenvolvemento urbanístico dos terreos da antiga Tafisa. Pouco despois de coñecerse que as inmobiliarias do Banco Sabadell e Caixabanx recibirán moi pronto licencia para construír 200 vivendas, unha segunda promoción pide paso.
Neste caso, detrás deste proxecto está a compañía Metrovacesa. Os seus responsables xa se reuniron co servizo urbanístico do Concello, aos que lles adiantaron que solicitarán licenza en cuestión de semanas.
Metrovacesa impulsa a construción dun complexo residencial composto de 92 vivendas de ata 4 dormitorios, repartidas en dous edificios de planta baixa, seis plantas e aproveitamento de baixo cuberta.
As vivendas contarán con garaxe, trasteiro e numerosos espazos comúns, entre eles piscina climatizada, ximnasio, salón social e un espazo gourmet, segundo explica a promotora na súa páxina web.
Os plans de Metrovacesa pasan por iniciar a venda deste inmobles este mesmo mes de febreiro. Nos últimos días, xa colocaron os anuncios na parcela que ocuparán os edificios.
Esta segunda promoción eleva a unhas 300 o número de vivendas que se proxectan neste ámbito urbano, situado a beiras do río Lérez.
Relacionadas:
-
Metrovacesa construirá 166 vivendas máis na parcela da antiga Tafisa
Por Alejandro Espiño |
-
Dúas promotoras proxectan 66 novas vivendas entre Joaquín Costa e Doce de novembro
Por Alejandro Espiño |
-
Así quedaría a urbanización de Tafisa se segue adiante o proxecto de 200 vivendas
Por Natalia Puga |
-
Algo se move no sector da construción
Por Oskar Viéitez |
-
Dúas promotoras impulsan a construción de 200 vivendas nos terreos de Tafisa
Por Alejandro Espiño |