O sol volverá brillar nas Rías Baixas ao longo desta semana
A semana presentarase cun luns sen rastro de choiva nas Rías Baixas. Meteogalicia indica que a nubosidade que abrirá a semana irá desaparecendo ao longo da xornada.
O martes 20 de febreiro amencerá con ceos parcialmente nubrados, que se irán despexando a medida que pasen as horas. Debido á influencia anticiclónica predominante en Galicia, durante a tarde e a noite as nubes desaparecerán. A temperatura mínima será de 8 graos, descendendo levemente en comparación co luns. A temperatura máxima manterase nos 17 graos. O vento soprará de nordeste, aumentando a súa intensidade ao longo do día chegando a ser moderado pola tarde.
O mércores 21 de febreiro manterase baixo a influencia das altas presións, deixando ceos despexados durante todo o día. As temperaturas mínimas descenderán ata os 5 graos, mentres que as máximas chegará aos 16. O vento será de nordeste, cunha intensidade moderada durante toda a xornada.