Rodas e colchóns no río
Por Oskar Viéitez
Oito pneumáticos, un colchón e 12 sacos cheos de lixo do máis variado como plásticos, múltiples cascallos de obra, madeiras, botellas ou latas baleiras. Esa é a singular colecta que recolleron este sábado os voluntarios do colectivo ambientalista Vaipolorío no transcurso dunha xornada de limpeza de voluminosos.
Os traballos arrancaron ás dez da mañá e centráronse en tres puntos á beira do río Tomeza, que é a denominación que toma o tramo peregrino do Gafos que discorre paralelo ao Camiño de Santiago atravesando esa parroquia pontevedresa.
A empresa concesionaria do servizo de limpeza e recollida de lixo do concello de Pontevedra, Ferrovial Servicios, fíxose cargo da xestión destes residuos que lle foron entregados.
A aparición deste tipo de materiais de refugallo provoca unha perda de calidade ecolóxica das canles dos ríos como fonte de vida, riqueza, saúde e lecer. Neste asunto as administracións deberían ter un papel principal na vixilancia e o coidado das contornas fluviais.
Vaipolorío, coa súa militancia ecoloxista e a súa chamada constante á participación cidadá, lémbranos que todos nós tamén podemos ser parte da solución.
Relacionadas:
-
Visita guiada ás Brañas do río Tomeza o día no que casan os paxariños
Por Oskar Viéitez |
-
Xornada de retirada de voluminosos do río Tomeza
Por Oskar Viéitez |
-
Impulsan unha iniciativa lexislativa popular para pararlle os pés ao eucalipto e darlle unha oportunidade ao monte autóctono
Por Oskar Viéitez & Mónica Patxot |
-
Vaipolorío planta árbores de ribeira nos Gafos
Por Oskar Viéitez |
-
Vaipolorío pide voluntarios para retirar árbores caídas no río Gafos
Por Redacción |