Sen saneamento non hai Paraíso
Por Oskar Viéitez
O Concello de Marín decidiu cambiar o tramo de saneamento na zona popularmente coñecida como Paraiso. Por mor do mal estado da rede de sumidoiros no cruce da estrada de Figueirido coa estrada de Moaña, na PO-313, e tendo en conta o mantemento da zona que mensualmente requería do traballo dun camión de desatasco, o grupo de goberno botou contas e decidiu rematar co gasto que isto supón para o Concello.
Xa metidos en gastos e co fin de tomar medidas na rede de abastacemento de augas, e non ter que levantar tramos varias veces aproveitouse para cambiar o tramo da tubaxe.
Asi mesmo pensando nas dificultades que pasan os veciños cando debido a un problema no suministro se lle curta o servizo de auga, decidiuse instalar unhas válvulas que permitirán no caso de rotura afectar ao menor número de vivendas posibles.
Estas obras están sendo levadas a cabo polas brigadas de obras e auga baixo a supervisión do arquitecto técnico municipal.
LAVADOIROS DE BEXA E XERMADE
Por outra banda, esta semana concluiuse a reparación dos tellados dos lavadoiros de Bexa e Xermade.
Despois de que veciños da zona avisasen que debido os últimos temporais, voaran moitas das tellas, esta semana coincidindo coa chegada do bo tempo, por fin, a brigada de obras do concello puido retellar mais de 150 pezas.
Unha vez rematado cos lavadoiros, a brigada ocuparase dos tellados da praza de abastos e da biblioteca.