Ferido un menor tras ser atropelado diante do colexio Alfonso VII de Caldas de Reis
Por Redacción
Os servizos sanitarios de urxencia trasladaron este martes a un menor de idade que resultou ferido tras ser atropelado en Caldas de Reis.
O accidente tivo lugar ás 19:30 horas do martes diante do Colexio Alfonso VII.
Segundo informa o Centro de Atención de Emerxencias 112 Galicia ata o lugar do suceso acudiron membros do GES de Valga, que colaboraron cos profesionais sanitarios na evacuación do menor ferido.
O 112 tivo coñecemento do atropelo a través dunha chamada de alerta do propio servizo de Urxencias Sanitarias.