Piden a revisión do sistema de cálculo das pensións tras detectar erros
Por Redacción
A CIG reclamou que se revise o sistema de cálculo das pensións tras comprobar a presenza de erros que reducen as cantidades que van percibir as persoas xubiladas. Desde este sindicato alertaron ao Instituto Nacional da Seguridade Social (INSS) que, a pesar de recoñecer os problemas no programa informático utilizado para determinar a contía das prestacións, non explicaron que solucións van adoptar para evitar que se repitan estes erros.
Estes erros rexistráronse en toda a provincia. As bases de cotización da Tesourería Xeral da Seguridade Social non coinciden coas bases reguladoras do cálculo que fai o INSS. A CIG comunicou esta problemática tanto na comisión executiva provincial como a nivel estatal no consello xeral do INSS.
Segundo o sindicato nacionalista, no INSS réstanlle importancia aludindo ao feito de que se detectaron poucos casos e de que as cantitades individuais son de escasa contía.
Desde a CIG lamentan que non se ofrezan garantías de que estes erros non se repetirán e que se estean a reducir de forma fraudulenta as pensións públicas galegas.