A fin de ano achegouse a un 60% de ocupación hoteleira na provincia
Por Redacción
Carmela Silva, presidenta da Deputación Provincial, ofrecía este venres os datos da ocupación hostaleira durante o mes de decembro destacando os datos durante A fin de semana de fin de ano cando se rexistrou un 60% de ocupación nos establecementos hoteleiros.
A media ao longo do mes sitúase nun 40%. A cifra establece que se superou en 10,5 puntos a media dese mesmo mes en 2016. Para Carmela Silva trátase do mellor ano turístico da última década.
A comarca con mellores datos foi Caldas, logrando un 80% de media, seguida polo Salnés, con 45%, mentres que Pontevedra superaba o 35% e O Morrazo o 25%. en establecementos rurais a porcentaxe supera o 51%.
Segundo os datos que manexa a Deputación, a maioría dos visitantes estatais ao longo deste mes procedían de Madrid, Barcelona e Áraba. Portugal, Alemaña e Arxentina son os países estranxeiros que atraeron a un maior número de turistas.
A presidenta anunciou que na feira turística Fitur van presentarse propostas para que a provincia de Pontevedra sexa máis coñecida e pase a ser un destino turístico de referencia e desestacionalizado. Carmela Silva indicou que o 56% dos visitantes deste mes non coñecía as Rías Baixas.
Relacionadas:
-
O turismo dispárase en decembro cunha ocupación dez puntos superior a 2017
Por Redacción |
-
Máis de 115.000 persoas aloxáronse na cidade durante 2017
Por Diego Espiño |
-
O patrimonio será eixo da promoción das Rías Baixas en Fitur
Por Oskar Viéitez |
-
A Deputación promociona o turismo ornitolóxico organizando rutas guiadas con SEO Birdlife
Por Oskar Viéitez |
-
A Deputación presenta o Plan Estratéxico de Turismo para o próximos tres anos
Por Oskar Viéitez |
-
As Rías Baixas rexistraron unha ocupación media do 50% durante a ponte da Constitución
Por Oskar Viéitez |