Crece o "descontento" do Concello coa empresa da iluminación de Nadal
Por Alejandro Espiño
O Concello de Pontevedra adoptará medidas sancionadoras contra a empresa que instalou a iluminación do Nadal se se seguen producindo incidentes. Así o avanzou este martes o portavoz do goberno municipal, Raimundo González.
Os últimos problemas, detectados nas rúas Benito Corbal e Sagasta onde tiveron que acudir os Bombeiros por sucesivos curtocircuítos, non fixeron máis que acrecentar o "descontento" que existe en Pontevedra coas luces de Nadal.
Este malestar foi trasladado "reiteradamente" á empresa.
González asegurou que é a primeira vez que hai "problemas" con esta empresa, que gañou o concurso celebrado hai dous anos para iluminar os entroidos, as Festas da Peregrina e o Nadal. En todo caso, explicou que o contrato finaliza con esta iluminación.
Os servizos técnicos do Concello traballan xa na nova licitación da iluminación que, de novo, sairá a concurso por dous anos e incluirá estes tres eventos festivos.
Relacionadas:
-
O Concello "abrirá a man" para aumentar o "insuficiente" gasto nas luces de Nadal
Por Alejandro Espiño |
-
Unha empresa de Barro porá luz ao Entroido de Pontevedra
Por Alejandro Espiño |
-
Os populares denuncian a "desastrosa imaxe" amosada con relación ao alumeado do Nadal
Por Redacción |
-
Así será a axenda dos Reis Magos en Pontevedra
Por Oskar Viéitez |
-
VÍDEO.- Así arde a iluminación de Nadal
Por Redacción |
-
Tras a polémica, A Ferrería renova o alumeado de Nadal
Por Redacción |
-
Susto en Benito Corbal ao incendiarse unha das luces de Nadal
Por Redacción & Diego Torrado |