Un calendario para presumir todo o ano das paisaxes de Ponte Caldelas
Por Redacción
O grupo de goberno de Ponte Caldelas editou 2.800 calendarios coa intención de que todos os fogares e os establecementos comerciais do municipio conten cun exemplar. A repartición realizarase ao longo das próximas semanas.
Neste material recóllense 12 imaxes de lugares de valor patrimonial ou paisaxístico do Concello, ademais inclúense os festivos locais e as datas de celebración das festas de todos os lugares e parroquias do municipio.
O calendario pretende tamén converterse nunha ferramenta de promoción turística e de orgullo entre os veciños. Así se recollen fotografías das Campás de Silvoso, o Val de Xustáns, as Sequoias de Buchabade, o Foxo do Lobo de Laxoso, as Casas Indianas de Anceu, o Barranco do río Verdugo, os Petróglifos de Tourón ou a Cama do Home de Taboadelo, entre outras.
Ademais, este venres, os integrantes do equipo de goberno formado polo PSdeG-PSOE, AVP e BNG felicitaron as festas ao persoal do Concello co tradicional petisco gastronómico de Nadal.
Relacionadas:
-
A Apalpadora estréase no Cordo Boullosa repartindo landras e consignas medioambientais
Por Oskar Viéitez |
-
Ponte Caldelas repartirá en Nadal 5.000 euros en cheques de compra de alimentos
Por Redacción |
-
Uvas anticipadas e unha gran festa de Noitevella en Ponte Caldelas
Por Redacción |
-
Ponte Caldelas acende a iluminación do Nadal
Por Oskar Viéitez |