Sanxenxo presenta un orzamento de case 32 millóns para 2018
Por Alejandro Espiño
O goberno municipal xa ten listo o borrador do orzamento para 2018. Trátase dunhas contas que foron entregadas este venres á oposición e que, segundo o Concello, permitirán recuperar a normalidade nos prazos de aprobación e na capacidade de xestión de Sanxenxo.
Ascenderán, organismos autónomos incluídos, a 31,9 millóns de euros. Supón un notable incremento con respecto ao de 2017, que foi de 22,7 millóns.
O alcalde destaca que, tras a súa chegada á Alcaldía, tiveron que redactar dous orzamentos en tan só cinco meses para poñerse ao día.
As principais partidas volverán ser a de persoal (7,75 millóns de euros) e gastos correntes (9,45 millóns), mentres que os investimentos ascenderán en total a 12,76 millóns.
Os investimentos propios do Concello serán 3 millóns e distribuiranse en plans directores para servizos básicos, rede viaria, servizos sociais, educación, cultura, turismo e deportes.
Ademais, solicitarase un préstamo de 3 millóns para a expropiación da zona verde da rúa das Cunchas. Doutras administracións virán outros 2,3 millóns, a razón da axuda de 1,2 millóns solicitada a Fomento para a rehabilitación do Pazo Quintáns -que inclúe outros 340.000 euros do Concello- e os 1,12 millóns do Plan Concellos da Deputación.
Sanxenxo pediría un segundo préstamo, de 1,5 millóns, no caso de que se desbloqueen proxectos como a mellora da rúa Progreso ou o edificio cultural de Vilalonga.
Outro aspecto destacable do novo orzamento, segundo o Concello, é a consolidación do persoal municipal xa que se contempla a reposición das prazas vacantes por xubilación, as que se crearon no orzamento do 2016 pero que aínda non foron ocupadas, e outros acordos do recentemente consensuado convenio colectivo.
No capítulo de ingresos, por último, Sanxenxo prevé 9,27 millóns de euros en impostos directos e indirectos e outros 8,5 millóns en taxas por servizos públicos. Outros 7,71 millóns chegarán vía transferencias correntes.
Relacionadas:
-
O convenio colectivo do persoal do Concello de Sanxenxo leva bloqueado tres meses
Por Redacción |
-
A reforma da rúa Progreso, acordada entre Concello e Xunta
Por Redacción |
-
Fomento destina 903.000 euros para a rehabilitación do Pazo de Quintáns
Por Redacción |
-
Sae publicada a ordenanza reguladora da vídeo vixilancia en Sanxenxo
Por Oskar Viéitez |
-
Vanessa Rodríguez ve "papel mollado" o pacto entre PP e SAL
Por Redacción |
-
Sanxenxo atendeu 46 familias en situación de emerxencia social
Por Redacción |
-
Intervención obriga a retirar do orzamento a subida salarial prevista para 48 traballadores
Por Redacción |
-
Sanxenxo propón unha subida salarial para 48 traballadores municipais
Por Redacción |
-
Sanxenxo ultima proxectos de saneamento e abastecemento de auga valorados en 184.700 euros
Por Redacción |
-
Os sindicatos e o goberno local acordan o convenio colectivo para os dous próximos anos
Por Redacción |
-
Os orzamentos da Xunta inclúen fondos para o novo colexio de Vilalonga
Por Oskar Viéitez |