Peche sindical en Marín pola falta de negociación no convenio de elaboración de produtos do mar
Por Oskar Viéitez
Un grupo de delegados do sindicato Comisións Obreiras iniciaron este xoves un peche no salón de plenos do Concello de Marín para reivindicar a constitución da comisión negociadora do convenio de elaboración de produtos do mar.
Estes sindicalistas tomaron esta medida "ante a negativa da patronal do sector para negociar un novo convenio" xa que o anterior terminou a súa vixencia no ano 2015.
Esta protesta vén precedida doutras mobilizacións promovidas por Comisións Obreiras coincidindo coa celebración da feira Conxemar no IFEVI de Vigo e dunha concentración celebrada ante a sede social de Conxemar.
O secretario de organización de Comisións Obreiras, José Luis Garcia Pedrosa, criticou "a actitude contraria á negociación dunha patronal que explota sen ningún tipo de consideración ás traballadoras deste sector, a pesar de que as contas de resultados das empresas son francamente favorables".
Relacionadas:
-
Catro buques coinciden este xoves en Marín descargando peixe conxelado
Por Redacción |
-
CCOO pide que se retomen as negociacións do convenio colectivo de elaborados de produtos do mar
Por Diego Espiño |
-
Marfrío asina un convenio colectivo con 2.000 euros anuais de salario por encima do sector
Por Oskar Viéitez |