Os Reis Magos volven buscar cómplices para que ningún neno quede sen agasallo
Por Redacción
A Concellaría de Benestar Social Municipal e a Fundación Meniños volven poñer en marcha este Nadal o programa (en)Volve, que se marca o obxectivo de que ningún adolescente ou neno pontevedrés quede sen agasallos estas festas.
Como xa vén sendo habitual nos últimos anos, buscan persoas que se queira converter en cómplices dos Reis Magos para garantir que os nenos das familias pontevedresas con escasos recursos tamén teñan un agasallo neste Nadal.
Como en anos anteriores, os cómplices recibirán unha carta coas peticións do neno que se lle asigne e mercarán o agasallo que solicite, sempre coa limitación de que teña un importe máximo de 30 euros.
O agasallo entregarase entre o 11 e o 29 de decembro na Casa Azul, no número 2 da rúa Sor Lucía. Poderán entregalo de luns a venres en horario de mañá e tarde, de 10.00 a 14.00 e de 15.30 a 20.30.
As persoas que queiran facerse cómplices dos Reis Magos deberán descargar o formulario que figura nesta ligazón.
Para calquera dúbida, poden poñerse en contacto a través dos teléfonos 604024103 e 678754933.
Relacionadas:
-
Grazas aos cómplices dos Reis Magos todos os nenos do concello terán agasallo
Por Redacción |
-
RADIO.- Conversas na Ferrería: Sumando solidariedade tamén en Nadal
Por Marisa Ciordia |
-
Os 'cómplices' dos Reis axudan a que 465 nenos estreen un agasallo
Por Oskar Viéitez |
-
Urxente!!! Os Reis Magos necesitan 160 cómplices
Por Redacción |
-
Queres ser cómplice de Melchor, Gaspar e Baltasar?
Por Oskar Viéitez |