Chegan as primeiras multas do novo radar da Policía Local por superar os 30 por hora
Por Oskar Viéitez & Mónica Patxot
A Policía Local de Pontevedra estreou este martes o radar recentemente adquirido. Foi en dous controis da velocidade establecidos no Lugar de Arco na parroquia de Lérez, na avenida de Lugo e na avenida de Montecelo.
Non se puxo ningunha multa pola mañá, pero pola tarde caeron as primeiras catro multas "por dobrar a velocidade permitida" de 30 quilómetros por hora na Avenida de Montecelo, informaron desde a Xefatura Local.
A campaña prolongarase ata o 8 de decembro.
O intendente xefe da Policía Local, Daniel Macenlle, sinalou a existencia de excesos de velocidade en puntos do municipio como a avenida de Compostela, a subida a Montecelo, Rafael Areses, Médico Ballina, As Corbaceiras e Bos Aires.
A xornada serviu tamén para que os axentes municipais adquiran experiencia no uso deste dispositivo xa que, como calquera outro aparello electrónico, os primeiros días adoitan cometerse algúns fallos no manexo pola falta de práctica.
Relacionadas:
-
A Policía Local súmase durante a próxima semana á campaña de control de velocidade da DXT
Por Redacción |
-
Un de cada cen vehículos rexistrados polo radar da Policía Local foi multado por velocidade
Por Alejandro Espiño |
-
O vindeiro martes a Policía Local empezará a usar o seu novo radar
Por Oskar Viéitez |
-
A Policía Local estreará nos vindeiros días un novo radar de control de velocidade
Por Redacción |