A obra de Luís Rocafort incorporará a zona axardinada diante do edificio Telleira
Por Redacción
O deputado de Mobilidade Uxío Benítez anunciou que a obra de mellora integral da avenida de Luís Rocafort en Sanxenxo incluirá a reforma dos 240 metros cadrados de terreos aportados o pasado venres polo Concello de Sanxenxo, que se corresponden coa zona axardinada diante do edificio Telleira.
Segundo indicou o nacionalista, a pesares da tardanza do goberno local en trasladar a cesión, a Deputación xa comezou os trámites administrativos necesarios para incorporar a parcela ao ámbito de actuación da obra e solicitou á empresa adxudicataria un esforzo para rematar todos os traballos, incluso estes últimos, no prazo previsto do 22 de decembro.
Benítez realizou este anuncio durante unha visita ás obras para comprobar o seu estado de situación. Estivo acompañado por persoal técnico do departamento provincial, responsables da unión temporal de empresas (UTE) que está a realizar os traballos, así como do alcalde de Sanxenxo Telmo Martín, o concelleiro de Infraestruturas Daniel Fernández, e os concelleiros do BNG, David Otero e Sandra Fernández.
Pola súa banda, o alcalde de Sanxenxo, Telmo Martín, mostrou a súa satisfacción polo remate definitivo das obras. "Estamos moi satisfeitos de que os veciños de Sanxenxo e todas as persoas que veñan aquí canto antes gocen esta avenida", dixo.
A obra da mellora integral de Luís Rocafort tivo un orzamento de licitación que superou os 1,65 millóns de euros. Incorporáronse melloras que supuxeron a actuación en toda a estrada, a canalización de augas e servizos.
Relacionadas:
-
A polémica reforma de Luis Rocafort dá paso a unha nova avenida
Por Redacción |
-
A Deputación inaugurará a reforma de Luís Rocafort o día 30 coa Banda de música de Sanxenxo
Por Redacción |
-
O PP provincial, a Carmela Silva: "É a primeira vez que unha Deputación colabora para destruír un goberno"
Por Redacción |
-
"Que ninguén se atreva", advirte Carmela Silva, a culpar á Deputación do ocorrido en Sanxenxo
Por Alejandro Espiño |