O Porto de Marín retirou máis de 18 toneladas de lixo mariño no que vai de ano
Por Redacción
A Autoridade Portuaria de Marín e Ría de Pontevedra realizou esta semana a retirada de 6.720 quilos de lixo mariño recollidos nas costas galegas pola frota pesqueira de Marín que faena en augas do litoral. É a terceira retirada deste ano e en total, suman 18.160 quilos recolleitos do mar durante 2017.
Trátase da maior cifra alcanzada desde que a autoridade portuaria e a frota pesqueira comezaron a realizar este labor ambiental. Buques como Ensenada de Bueu, Gonzacove, Nuevo San Cibrán ou Ría de Marín entre outros, están a participar moi activamente nesta iniciativa.
En conxunto, desde o ano 2014, os barcos pesqueiros que faenan na costa trouxeron a porto preto de 52 toneladas de lixo.
A autoridade portuaria foi recepcionando estes residuos que os barcos recollen nas súas redes e traen a terra e trasladándoos a un compactador antes de trasladalos a un xestor autorizado. Esta actividade é continuación dos proxectos ambientais "Nada pola borda" e "Pescal", xa finalizados oficialmente pero que a autoridade portuaria decidiu seguir mantendo en colaboración cos armadores de pesca e a empresa marinense Casercan.
O Porto de Marín é pioneiro en proxectos ambientais relacionados coa retirada e xestión de lixos mariños. Ademais, continúa cos procesos de recollida selectiva doutros residuos portuarios como pneumáticos, pilas, poliexpan, redes, papel e cartón ou plásticos.
Relacionadas:
-
O Porto de Marín retirou 6.700 quilos de lixo mariño no último trimestre
Por Redacción |
-
A Autoridade Portuaria fixo recollida selectiva de preto de 1.000 toneladas de residuos durante 2017
Por Redacción |
-
Ano récord no porto: movidas máis de 2,5 millóns de toneladas de mercadoría
Por Redacción |
-
Cal será o futuro do Porto de Marín?
Por Oskar Viéitez |
-
O Porto de Marín supera os dous millóns de toneladas ata outubro
Por Redacción |
-
Un motor foraborda e un monopatín entre as 13 toneladas de residuos retiradas do fondo mariño
Por Redacción |
-
O porto de Marín retirou 715 toneladas de residuos
Por Redacción |
-
A Autoridade Portuaria adhírese ao decálogo contra os lixos mariños
Por Redacción |