Máis de 350 niños de avespa velutina retirados no municipio en só catro meses
Por Diego Espiño
Só levan catro meses actuando no municipio para tentar frear o efecto da avespa velutina, pero a vintena de voluntarios da agrupación formada en Pontevedra co apoio do Concello retirou máis de 350 niños desta especia invasora.
É o balance feito público este martes polo concelleiro Alberto Oubiña, pero o número de avisos recibidos durante este tempo supera os 400, sumando os niños que non puideron retirar pola súa altura ou dos que se encargaron outras organizacións como os Bombeiros ou Medio Rural.
"É un balance positivo para o Concello", asegura Oubiña, sen ben se trata dun traballo "que sería absolutamente imposible sen o grupo de voluntarios", a quen agradeceu a súa dedicación.
O edil asegurou que seguirán destinando recursos a combater o avance da avespa velutina pero lembrou que "quen debe poñerse á fronte deste traballo en todo o país é a Xunta".
Polo momento o goberno local destinou 20.000 euros en formar aos voluntarios e colaborar coa agrupación dotándoa de material, pero non se detén aí e pensa nas próximas liñas de actuación.
Pasado o período estival, con maior presencia desta avespa, nos próximos meses seguiranse localizando e retirando niños, empezaranse a colocar trampas nas zonas de maior afectación e ofreceranse cursos de formación para veciños e novos voluntarios.
O departamento municipal de Medio Ambiente Natural lembra que mantén activo un número de whatsapp (679 411 930) no que comunicar a aparición ou localización de novos niños.
Relacionadas:
-
Loita sen tregua contra a velutina: retiran 118 niños no rural e 22 no centro en tres meses
Por Redacción |
-
230 niños de velutina retirados en cen días en Pontevedra
Por Redacción |
-
A asociación comarcal para a loita contra a velutina pon en marcha as primeiras accións
Por Redacción |
-
Impulsan a primeira asociación comarcal contra a vespa velutina
Por Redacción |
-
RADIO.- Unha raíña e doce machos que conseguiron invadir Europa
Por Marisa Ciordia |
-
Pontevedra promove no rural un grupo pioneiro de resistencia anti velutina
Por Natalia Puga |