Adina sufrirá cortes de luz o día 21 de novembro por tarefas de mantemento
Por Redacción
Os veciños de Adina, en Sanxenxo, sufrirán cortes de luz durante a xornada do martes 21 de novembro.
Tarefas de mantemento na rede provocarán interrupcións na subministración eléctrica en pequenos intervalos de tempo, entre as 8:00 e as 10:00 horas.
Os lugares da parroquia afectados serán A Torre, Outeiro, Igrexa, Fabal e Rial.
Para calquera dúbida ou se os cortes persisten os veciños poden poñerse en contacto coa empresa subministradora e responsable dos traballos, Gas Natural Fenosa, no seu teléfono de atención ao cliente (900 333 999).