A reforma de Luís Rocafort encara a súa recta final e estará lista antes do Nadal
Por Redacción
A mellora integral da avenida Luís Rocafort en Sanxenxo encara xa a súa recta final e estará lista antes das festas do Nadal.
A vindeira semana colocaranse as árbores ornamentais para, a partir do día 27, instalara a iluminación e o mobiliario urbano e rematar coa extensión do novo firme e a sinalización horizontal.
A climatoloxía permitiu colocar a baldosa e o bordiño da beirarrúa. Tamén están xa instaladas todas as canalizacións de pluviais e fecais correctamente, e soterradas as redes dos servizos de telefonía e electricidade, que tiveron que ser coordinadas con Telefónica e Fenosa.
O vindeiro luns agárdase recibir as árbores ornamentais que se instalarán na vía (52 xacarandas) para iniciar a súa plantación coa creación dos alcorques e a colocación dos correspondentes lastros.
A semana seguinte será a quenda da iluminación e o mobiliario urbano: colocaranse 64 luminarias de 7 metros de altura que terán un deseño propio para Sanxenxo, así como bancos, papeleiras ou elementos de ancoraxe de bicicletas, entre outros.
Finalmente, e xa para rematar a actuación, procederase ao fresado e os saneos do firme actual e extenderase o novo aglomerado (cos correspondentes pasos de peóns sobreelevados), para despois realizar os marcados da sinalización horizontal.
Estímase que estes últimos traballos, segundo asegurou o deputado Uxío Benítez, se realicen nun máximo de tres días hábiles se o tempo acompaña, non sendo preciso cortar a totalidade do tráfico na vía, xa que se fará por carrís individuais.
De forma preventiva e por se o prazo oficial ata o 31 de novembro non era suficiente para realizar os últimos axustes e retoques menores, a dirección de obra decidiu solicitar o pasado mes unha pequena prórroga para a actuación ata o 22 de decembro, xa que se produciran algúns retrasos motivados polas instalacións de Fenosa e Telefónica.
Esta prórroga, que se todo segue segundo o previsto apenas necesaria para uns días, foi aprobada na Xunta de Goberno do venres.
Relacionadas:
-
A polémica reforma de Luis Rocafort dá paso a unha nova avenida
Por Redacción |
-
O luns comezará a segunda fase da reforma de Luis Rocafort
Por Redacción |
-
A primeira fase das obras de Luis Rocafort remata o mércores 21
Por Redacción |
-
Deputación e Sanxenxo botan un pulso polos aparcadoiros en Luís Rocafort
Por Oskar Viéitez |