Incautan unha vintena de centolos en Bueu capturados por furtivos
Por Redacción
Tres homes de nacionalidade portuguesa foron sorprendidos este domingo en Bueu por axentes da Garda Civil de Tráfico transportando unha vintena de centolos capturados de forma irregular.
O vehículo no que viaxaban foi parado nun control e, unha vez identificados os seus ocupantes, os axentes acharon no seu interior un salabardo que contiña dezaseis centolas, cun peso aproximado de 25 quilos.
Esta especie estaba en veda ata hoxe luns.
A Garda Civil incautou o marisco e tamén os útiles que levaban para a pesca submarina.
Os ocupantes da furgoneta foron denunciados por dúas infraccións administrativas, sancionadas pola vixente Lei de Pesca de Galicia: por pescar especies en época de veda e pescar en lugar non autorizado.
O marisco comisado entregouse no comedor benéfico das monxas de Marín.
Relacionadas:
-
Incautan 35 quilos de percebe que estaban a ser vendidos na rúa
Por Redacción |
-
Incautan en Bueu 56 quilos de polbo sen documentación
Por Redacción |
-
Catro coñecidos furtivos, cazados de novo con 80 quilos de ameixa da ría
Por Redacción |
-
Incautados preto de 40 quilos de ameixa extraída por mariscadores furtivos na praia de Combarro
Por Redacción |
-
Interveñen 3.860 quilos de ameixa xapónica en Vilaboa, a maioría de talla antirregulamentaria
Por Redacción |
-
Requisan 441 nasas sen identificar con 140 quilos de polbo e 25 de nécora na ría de Pontevedra
Por Redacción |