As actividades de Noites Abertas 2018 elixiranse entre 176 propostas
Por Redacción
A iniciativa da Concellería de Xuventude de Pontevedra de abrir un prazo para que as personas, empresas e colectivos interesados presentasen propostas de actividades para desenvolver no programa de Noites Abertas 2018 resultou de novo un éxito. Recibiron un total de 176 proxectos.
Segundo informou o Concello, todos eles serán avaliados pola coordinadora do programa de ocio xuvenil do Concello ao longo deste mes de novembro e tanto as entidades como as persoas titulares das propostas serán informadas de se foron elixidas ou non. No caso de rexeitamento, explicaránselles os motivos.
As propostas recibidas son dúas menos das recibidas para Noites Abertas 2017. Presentaron propostas un total de 22 asociacións e clubs deportivos, 13 empresas e autónomos e 25 colectivos. Ademais, 41 personas individuais propuxeron 68 proxectos.
Unha proposta máis será rexeitada por prestarse fóra de prazo.