As obras da PO-308, entre A Granxa e Sanxenxo, contemplan expropiacións a seis propietarios
Por Redacción
O proxecto de mellora da PO-308 entre A Granxa e a Avenida de León, na vila de Sanxenxo, afecta ao longo dos 3,5 quilómetros que abarca o proxecto a seis propietarios, cunha extensión total de 88 metros cadrados.
Nas seis propiedades hai un único ben afectado. Trátase dun cerramento situado nas inmediacións do acceso da praia de Nanín. Está previsto o retranqueo do portal existente e a posterior reposición deste peche. O custo xa está contemplado dentro do orzamento do proxecto, que é de 276.000 euros.
O custo da expropiación dos 87,92 metros cadrados tamén está previsto dentro do orzamento e estímase un valor aproximado de 2.637,64 euros. As persoas interesadas poden consultar os detalles do proxecto na web do Concello.
En concreto, os datos desta nota están incluídos no anexo nº11. En calquera caso, calquera persoa que teña dúbidas pode aclaralas no departamento de infraestruturas do Concello, onde lle informarán de calquera cuestión relacionada con este proxecto.
Relacionadas:
-
A Xunta licita as obras PO-308 entre o peirao do Covelo e o miradoiro da Granxa
Por Oskar Viéitez |
-
Rodríguez Búa converterá en alegacións as suxestións dos veciños ao proxecto da PO-308
Por Redacción |
-
Sanxenxo Independentes convoca unha reunión informativa sobre o proxecto da PO-308
Por Redacción |
-
Saen á luz todos os detalles da reforma da PO-308 desde o mirador da Granxa ata Nanín
Por Oskar Viéitez |