É o "Día de los muertos" no Crespo Rivas
Por Mónica Patxot
O Día de los muertos é considerado a tradición máis representativa da cultura mexicana. A celebración leva a cabo en dous días: o 1 de novembro é dedicado á alma dos nenos e o 2 de novembro á dos adultos.
Os alumnos da escola de educación infantil Crespo Rivas elixiron este ano esta festividade mexicana como tema para coñecer a cultura daquel país.
Así, puideron saber que a crenza popular mexicana é que as almas dos seres queridos regresan de ultratumba durante o Día de los muertos. Por iso, recíbeselles cunha ofrenda onde se coloca a súa comida e bebida favorita, froita, calaveritas de doce e, se fose o caso, xoguetes para os nenos.
Do mesmo xeito que sucede en Galicia, unha parte moi importante desta tradición implica visitar os cemiterios. Xa sexa durante o día ou a noite, as familias acoden e colocan velas sobre as tumbas como unha forma de iluminar o camiño das almas no seu regreso a casa.
En México percíbese á morte dunha maneira moi peculiar, pois os mexicanos utilizan a sátira para burlarse dela.
Os rapaces do Crespo Rivas fixeron gala deste bo sentido do humor para ambientar o centro e aprender cousas novas mentres xogan.
Relacionadas:
-
A luz une aos nenos do Crespo Rivas cos de Porto Rico
Por Oskar Viéitez & Mónica Patxot |
-
Os colexios de Pontevedra festexan o Samaín
Por Redacción |
-
Que fan os do Sánchez co Crespo Rívas?
Por Oskar Viéitez |
-
Non me gustan as vacacións, porque non hai cole
Por Oskar Viéitez |
-
O jazz é cousas de nenos... no Crespo Rivas
Por Oskar Viéitez |
-
Sorpresa pirata no Crespo Rivas
Por Mónica Patxot |